Селекторот на Пари Сен Жермен, Луис Енрике, даде висока оценка за својот тим кој со убедливи 4-0 го совлада Интер Мајами и се пласираше во четвртфиналето на Светското клупско првенство.
„Се чувствувам прекрасно. Одигравме совршен натпревар. Создадовме многу шанси. Во првото полувреме игравме со висок интензитет, а во второто го намаливме ритамот, што е сосема нормално. Не можам да не бидам задоволен од прикажаното“, изјави Луис Енрике.
„Драго ми е што Осман Дембеле се врати. Сите момци го имаат потребниот менталитет за да одиме напред. Секако, има работи што можеме да ги подобриме во нашата игра“, додаде шпанскиот стратег.
Следен противник на ПСЖ ќе биде Баерн Минхен.
