Удинезе ја продолжи серијата одлични настапи, забележувајќи минимална победа од 1-0 против Парма на домашен терен, со што дополнително се оддалечи од зоната за испаѓање.
Како и на претходниот меч против Лече, победничкиот гол беше постигнат од пенал, но овојпат без недоразбирања меѓу играчите – Тован мирно ја презеде одговорноста и реализираше прецизно.
Овој триумф значи дека Удинезе останува непоразен веќе пет натпревари во Серија А, освојувајќи 13 од можните 15 бода. За разлика од нив, Парма продолжува со разочарувачки резултати, претрпувајќи го петтиот пораз во последните шест натпревари, што ја остава во незавидна позиција во борбата за опстанок.
