Англискиот репрезентативец Трент Александер-Арнолд, кој уште од шестгодишна возраст е дел од Ливерпул, ќе се пресели во Реал Мадрид веќе во јануари, иако првично се очекуваше трансфер следното лето кога ќе стане слободен играч.
Според „Дефенса Сентрал“, раководството на Ливерпул одлучило да ја прифати понудата од 50 милиони евра за заменик капитенот, со цел да заработи пред истекот на неговиот договор.
Александер-Арнолд одигра 322 натпревари за Ливерпул и учествуваше во 102 гола, покажувајќи исклучителен ефект како десен бек.
Оваа одлука значи дека навивачите на Ливерпул ги бројат последните недели на Трент на „Енфилд“ пред неговата очекувана преселба во Реал Мадрид, каде што ќе продолжи кариерата.
