Наполи заигра според вкусот на Антонио Конте и на фановите на клубот. Тимот од Неапол славеше со 0-4 на гости против Калјари и врза три победи во низа, па во моментот со девет бода е на првата позиција на табелата.
Џовани ди Лоренцо во 18.минута го отвори резултатот, на асистенција на Лукаку.
Квича Кварацкелија во 66.минута зголеми на 0-2, а само четири минути подоцна и Ромелу Лукаку ја погоди мрежата на противникот.
Алесандро Бонџорно во судиското продолжение го потврди убедливиот триумф на „наполитанците“.
