Почнува новиот шампионат во Првата македонска фудбалска лига, Струга Трим Лум ја брани титулата, а има неколку сериозни кандидати кои би сакале да застанат на тронот.
Пред почетокот на сезоната порака на клубовите и на сите љубители на фудбалот им испрати претседателот на Фудбалската федерација на Македонија, Мухамед Сејдини.
„Драги љубители на фудбалот, овој викенд започнува новата фудбалска сезона 2024/2025 во Македонија.
Оваа сезона нека ни донесе игра изградена на тимски дух и почит кон противникот. Нека нашите терени бидат места каде што страста и ентузијазмот создаваат шампиони. Нека преовладее фер плејот и почитта меѓу сите тимови а на крајот нека победи најдобриот.
Ја користам оваа прилика да посакам многу успех и радости за сите тимови. Со среќа на сите“, порача Мухамед Сејдини.
