Францускиот тренер и легендарен фудбалер Зинедин Зидан на крајот од сезоната ќе го преземе Пари Сен Жермен, пренесува „Мундо депортиво“. Шпанскиот медиум пренесува дека тренерот на ПСЖ, Кристоф Галтие, ќе добие отказ по крајот на сезоната, а на негово место ќе дојде Зидан.
За Зидан е заинтересиран и Реал Мадрид, но поголеми се шансите легендарниот фудбалер да го преземе ПСЖ.
„Има два клуба кои се опции за Зидан. Колку и да е изненадувачки, еден е Реал Мадрид. Зидан има одлични односи со претседателот на Реал, Флорентино Перез. Вториот клуб кој е заинтересиран за Зидан е ПСЖ. Зидан веќе преговаралл со ПСЖ минатото лето, а сега шансите се многу пореални“ пренесува „Мундо депортиво“.
Доаѓањето на Зидан во тимот од Париз би довело до бројни промени, а тимот би се градел околу Килијан Мбапе. Во таков случај, Нејмар и Лионел Меси би заминале од Париз.
