Реал Мадрид не успеа да се пласира во ново финале на Лигата на шампионите. Го заврши патот во Лондон, откако загуби со 2-0 од Челси и доживеа елиминација во полуфиналната пресметка.
Тренерот Зинедин Зидан е реален, вели дека Челси беше подобар тим, а на неговите фудбалери им честита за максималните напори.
„Заедно можеме да бидеме горди. Искрено, многу сум горд на моите играчи, тие се обидоа и дојдоа толку далеку, беа на чекор до финалето, што не се случува често. Челси одигра одличен натпревар, стигнувајќи до финалето. Треба да им честитаме за тоа“, изјави Зидан.
Тој го коментираше и настапот на Еден Азар кој никако да го прикаже најдоброто од себе во дресот на Реал Мадрид.
„Еден Азар треба да ја врати самодовербата, малку по малку, со играње и натпревари. Тој мора да игра“, изјави тренерот на Реал Мадрид.
