Фудбалерот на Милан, Оливие Жиру е блиску до потпишување нов договор со клубот, објавија италијанските медиуми. Жиру минатата година за 2,85 милиони евра се пресели од Челзи во Милан, за кого одигра 57 натпревари, постигна 23 гола во сите натпреварувања и ја освои титулата во Серија А, прва за клубот по повеќе од една деценија.
Весникот „Ла Газета дело Спорт“ објави дека е постигнат договор за нов договор, а францускиот фудбалер ќе се врати на тренинзите во петок и ќе се сретне со директорите на клубот заедно со неговиот агент за да ги потврдат деталите. Поранешниот играч на Арсенал и на Челси ќе потпише едногодишен договор.
Жиру со француската репрезентација стигна до финалето на Светското првенство, каде постигна четири гола, но не успеа да ја одбрани титулата бидејќи Аргентина беше подобра по изведување пенали. На турнирот тој стана и најдобар стрелец во историјата на „триколорите“ со 53 погодоци.
