Манчестер Јунајтед во продолжението од сезоната ќе остане со малку осиромашен кадар во средниот ред. Сонародникот на менаџерот Ерик Тен Хаг, Дони ван де Бек (25) го повреди коленото во победата против Борнмут на почетокот на месецот и нема да се врати на терените оваа сезона.
Кариерата на Ван де Бек во Јунајтед досега беше обележана со лоша среќа и неуспех. Пред две години Јунајтед го донесе од Ајакс за 40 милиони евра.
По разочарувачката мината сезона, во која Манчестер Јунајтед заврши на шестото место во Премиер – лигата, „црвените ѓаволи“ во моментов се кандидати за пласман во Лигата на шампионите под водство на Ерик тен Хаг.
Јунајтед е на четвртото место, но има натпревар помалку од третопласираниот Њукасл, со кого е израмнет по бодови, а само четири бода зад второпласираниот градски ривал Манчестер Сити.
