Напаѓачот на Норвешка, Ерлинг Халанд, беше многу среќен по победата со 1-4 над Италија со која се пласираа на финалниот турнир на СП 2026. Фудбалерот на Манчестер Сити постигна два гола, а Скандинавците изборија место на Светското првенство за првпат по 1998 година.
„Среќен сум, но уште повеќе ми олесна. Постојат огромни очекувања и тежина на одговорноста, но е забавно. Овие 1-4 во Италија покажуваат колку сме непредвидливи. И тоа е одлично, сите треба да го знаат тоа. Го најдовме вистинскиот пат и индивидуално се подобривме. Играчи како Нуса и Боб, кој сега е стартер во Манчестер Сити, значително напредуваа. Чувствувам дека пласманот на Светското првенство е почеток на нешто големо“, изјави Халанд веднаш по крајот на натпреварот.
