Захариевски уште една година на кормилото на Струга Трим Лум

Македонскиот прволигаш Струга Трим Лум го продолжи договорот со шефот на стручниот штаб Срѓан Захариевски за уште една година. Тој ќе го води тимот и следната сезона откако направи историски успех со пласманот на третата позиција и излезот на европска сцена.

Струга Трим Лум по две години во Првата лига успеа да се пласира во квалификациите за Конференциската лига. Захариевски успеа да го консолидира тимот и да го претвори во еден од најквалитетните состави во македонскиот шампионат.