Струга Трим Лум се врати во трката за излез во Европа со триумфот над Македонија ЃП во Ѓорче Петров, но потоа ремизираше без голови против Шкупи на домашен терен. Срѓан Захариевски жали што неговите момци не успеаја да ја остварат посакуваната победа.
„Одигравме квалитетен натпревар, бркавме победа до последен момент, но не успеавме да победиме. Сега не очекува следниот дуел против Шкендија“, изјави Захариевски.
Утре Струга Трим Љум гостува кај шампионот Шкендија, а Македонија ЃП игра против Шкупи.
