Струга Трим Лум оствари триумф (1-2) против Беласица во минатото коло, а утре (14 часот) на домашен терен ќе го пречека Пелистер. Тренерот Срѓан Захариевски вели дека неговиот тим ќе продолжи со истиот пристап, да игра офанзивно и на гол повеќе од противникот.
„На секој натпревар, без разлика дали дома или на гости, Струга Трим Лум атакува на победа. Мојата идеја е тимот да игра офанзивно, да игра допадлив фудбал и да се обиде да победи. Не се оптоваруваме со позициите на табелата“, изјави тренерот Срѓан Захариевски.
