Англискиот премиерлигаш Вулверхемптон го претстави новиот менаџер на тимот Хулен Лопетеги. Поранешниот селектор на Шпанија, тренер на Реал Мадрид и на Севилја потпиша тригодишен договор со Вулс и го замени Стив Дејвис, кој го презеде тимот на привремена основа откако клубот се раздели со Бруно Лаге на почетокот од оваа година.
„Се надевам и верувам силно дека секогаш има светлина на крајот од тунелот. Тоа е совршеното мото за нас“, рече Лопетеги на првата прес-конференција како тренер на тимот.
Тој го презема Волвс на дното на Премиер лигата и ќе се обиде да го спаси тимот од испаѓање.
