Македонскиот репрезентативец Бојан Миовски е нов фудбалер на Глазгов Ренџерс. Тој ги мина медицинските прегледи и потпиша договор со шкотскиот гигант до 2029 година. Официјалната промоција на Миовски треба да се случи во текот на утрешниот ден.
Глазгов Ренџерс постигна договор со Џирона за обесштетување вредно 2,6 милиони фунти, кое со бонуси може да порасне до 4,2 милиони.
Македонскиот репрезентативец ќе се приклучи на тимот од „Ајброкс“ непосредно пред големото „Олд Фирм“ дерби во недела.
Миовски остави силен впечаток во двете сезони со Абердин (2022–2024), постигнувајќи 44 гола на 98 натпревари, со што стана миленик на навивачите пред трансферот во Ла Лига. Сега повторно се враќа во Шкотска, и тоа во еден од легендарните клубови во оваа земја.
