Градското дерби меѓу Воска и Охрид е во фокусот на вниманието на денешното 20. коло од Втората лига Запад. Минатата пресметка мина со многу тензија, а Воска победи со гол од пенал во 96.минута од дуелот. Воска има амбиции за пласман во елитата, а Охрид сака да обезбеди опстанок, бодовите им се многу важни и на двете екипи и тоа дава уште поголем шарм на денешниот меч (15 часот).
Вардар гостува во Велешта и ќе мора значително да ја подигне формата доколку сака да слави на овој дуел. „Црвено-црните“ дефинитивно немаат веќе право на „кикс“.
Силекс оди на гости во Дебар против Кораби, а интересен ќе биде и дуелот меѓу Гостивар и Беса. Кадино на домашен терен го пречекува Тетекс.
