Фудбалерите на Манчестер Јунајтед го сакаат Маурисио Покетино за следен менаџер на клубот. Според медиумите од Островот, тој е подготвен да го напушти Пари Сен Жермен и да работи на „Олд Трафорд“.
Аргентинецот е критикуван за играта на ПСЖ и критиките може да се зголемат доколку тимот биде елиминиран од Реал Мадрид во осминафиналето од Лигата на шампионите.
Актуелниот менаџер на „црвените ѓаволи“, Ралф Рангник, кој по завршувањето на сезоната ќе стане консултант во клубот, за следен тренер на тимот го преферира тренерот на Ајакс, Ерик тен Хаг. Според Германецот, тој е најдобриот избор да го води клубот.
