Владата на Република Македонија објави соопштение од најновата седница, на која е потенцирано дека сепак публиката на спортските натпревари и понатаму ќе биде забранета. Присуството на гледачи нема да биде дозволено иако претходно имаше такви толкувања.
Во објавата на Владата стои дека на сите јавни активности може да има 30% од посетителите, додека спортските настани и понатаму ќе бидат организирани без публика.
„Како дел од овие мерки е и одлуката дека сите настани и други слични јавни активности (културни, научни и забавни) може да продолжат да се одржуваат согласно наменските протоколи до 30 % исполнетост на капацитетите во внатрешноста на објектите и до 50% исполнетост на отворените простори. Спортските настани и понатаму се организираат без физичко на присуство на публика“, стои во објавата на Владата.
