Винисиус Жуниор се враќа на почетокот на јануари

Крилниот напаѓач на Реал Мадрид, Винисиус Жуниор, би може да се врати на терените во јануари 2024 година, пренесува „Марка“.

Според изворот, 23-годишниот Бразилец се очекува да се опорави за полуфиналето на шпанскиот Суперкуп против Атлетико Мадрид на 10 јануари следната година.

Во ноември, на Винисиус Жуниор му беше дијагностицирана повреда на тетивата. Тој се повреди на натпреварот за репрезентацијата на Бразил против Колумбија (1-2) во квалификациите за СП 2026 година.