Само два погодоци, и тоа од пенал, можеа да видат љубителите на фудбалот во првото полувреме на пет натпревари од 22. коло во Првата македонска фудбалска лига.
Повеќе од скромна реализација, заокружена само со голови од белата точка во Скопје. Најпрво во 30. минута, Шкупи поведе на Чаир во дербито против Шкендија со 1-0 со голот на Муарем Бајрами, откако во гостинскиот шеснаесетник беше соборен Бразилецот Сержињо…
А, во 45. минута од средбата Академија Пандев поведе со 0-1 на гостувањето против Работнички на „Филип Втори“. Милован Петровиќ играше со рака во домашниот шеснаесетник, а сигурел реализатор од белата точка беше капитенот на „пандевци“, Љупче Дориев…
