Веста на денот е прекрасна и вели дека данскиот фудбалер Кристијан Ериксен повторно тренира. После 173 дена од шокантниот настан на ЕВРО кога колабира на теренот за време на мечот Данска – Финска, тој почна да тренира.
Тогаш лекарите одвај му го спасија животот, а на Данецот му беше вграден дефибрилатор поради што не смее да игра во Италија, иако се уште е под договор со Интер.
Тој следната сезона би можел да се врати во Ајакс, а првите тренинг чекори по долгата пауза ги направи со персонален тренер во базата на Одензе.
Ериксен ја стартуваше кариерата токму во Одензе, а потоа се пресели во Ајакс. Играше и за Тотенхем и за Интер.
