За време на полуфиналето во Лигата на шампионите се случи еден бизарен момент кога ѕвездата на ПСЖ, Марко Верати му рече на тренерот на Манчестер Сити, Пеп Гвардиола, да замолчи на шпански јазик.
Инцидентот се случи на првиот натпревар на „Паркот на принцовите“ синоќа, кога францускиот тим сѐ уште имаше водство од 1-0. Како и досега, натпреварот се играше без присуство на навивачи, па поради тоа на микрофоните близу теренот лесно можеше да се слушне Верати како довикува нешто на шпански јазик.
Коментаторите на „Скај Спорт Италија“ истакнаа дека тој рекол: „Што сакаш сега? Замолчи!”. Се верува дека ова било насочено кон тренерот на “граѓаните”, Гвардиола, кој во тој момент, барал од судијата да му покаже жолт картон на Италијанецот поради претходно направен фаул.
