Шпанскиот прволигаш Атлетик Билбао го избра Ернесто Валверде за нов тренер. Ова е очекуван епилог ако се земе предвид дека на претседателските избори победи Јон Уриарте, кој уште од почетокот на кампањата отворено кажа дека Валверде е неговиот избор за нов стратег.
Валверде го водеше Атлетик Билбао во два наврати, од 2003 до 2005 година, а потоа со уште поголем успех од 2013 до 2017 година, кога го освои шпанскиот Суперкуп.
Потоа замина во Барселона, од каде беше отпуштен во јануари 2020 година. Оттогаш е без ангажман.
