Македонскиот репрезентативец Столе Димитриевски доби нов тренер во Валенсија. Карлос Корберан е стратегот што ја доби довербата да биде нов тренер, соопшти прес-службата на „лилјаците“.
Договорот со 41-годишниот шпански стручњак е до летото 2027 година. Раководството на клубот ја активираше специјалната опција во неговиот договор со Вест Бромвич, кој Корберан го водеше од 2022 година.
На 23 декември, Валенсија објави прекин на соработката со Рубен Бараха. Одлуката беше донесена поради слабите резултати на тимот оваа сезона.
Валенсија се наоѓа на претпоследното, 19. место на табелата во шпанското првенство, со 12 бода од 17 натпревари.
