Вилјареал го победи Арсенал со 2-1 и има предност пред гостувањето на „Емирати“ во вториот полуфинален дуел од Лигата на Европа. Тоа е само продолжение на одличниот ефект на шпанскиот клуб на европска сцена оваа сезона. Тимот на Унаи Емери е единствениот со Манчестер Сити кој нема ниеден пораз во Европа.
„Не е лесно да се победи Арсенал. Одигравме одлично во првото полувреме, имавме два гола предност. Но, попуштивме во финишот и тоа не смееше да ни се случи. Сепак, имаме предност и ќе одиме во Лондон со намера да оствариме уште една победа и да обезбедиме пласман во финалето“, изјави Унаи Емери.
