Водечките европски фудбалски клубови ќе загубат повеќе од 8 милијарди евра поради пандемијата на коронавирусите, се вели во извештајот на Европската фудбалска федерација (УЕФА).
Извештајот покажува дека 4 милијарди евра се изгубени поради непродадени билети, 2,7 милијарди евра од спонзорски договори и 1,4 милијарди евра од приходите од ТВ-права.
УЕФА наведува дека е неопходна реформа на правилата за финансиски фер-плеј и дека надоместоците и заработката од трансфери мора да се намалат на прифатливо ниво.
Исто така, во извештајот на Европската куќа на фудбалот се споменува Суперлигата, која според нив би имала „катастрофално влијание врз европскиот фудбал од спортска, емоционална и финансиска перспектива“.
„Одмеднатата лига не може да биде одговор на пандемијата“, се додава во извештајот.
„Враќањето на финансиската стабилност и раст бара процес на финансиска дисциплина, внимателно управување и долгорочно планирање. Само со почитување на пирамидата, принципите на промоција и спортски заслуги, европскиот фудбал ќе може да продолжи да расте”, се вели во извештајот на УЕФА.
