„Трите мали птици“, оптимистичката песна на Боб Марли, стана неофицијална химна на Ајакс и неговите фанови. Пред натпреварите на „Амстердам Арена“, со оваа песна се забавуваат гледачите, а познатата мелодија и нејзиниот заразен рефрен веќе е прифатени од фановите на Ајакс.
Холандскиот клуб направи еден од нивните дресови во чест на Боб Марли, односно неговата песна. На позадината на дресот, има три мали птици на врвот, а лентите на ракавите, броевите и имињата се во раста-бои.
Сепак, УЕФА ги растажи навивачите на Ајакс со оглед дека холандскиот великан нема да може да го користи тој дрес во неговата оригинална форма во европските натпреварувања.
Имено, прописите на УЕФА не дозволуваат ништо да биде на дресот освен спонзорот и грбот. Затоа Ајакс ќе мора да ги исфрли трите птици од дресот.
Во Лигата на шампионите Ајакс ќе игра во група со Спортинг Лисабон, Бешикташ и со Борусија Дортмунд.
