Националната селекција за фудбалери до 17 години ќе се сретне со Германија, Полска и со Малта во квалификацискиот циклус за ЕП 2021 што ќе се одри во Естонија. Ова е исходот на денешната ждрепка, со која Македонија беше сместена во групата 11 од квалификациите.
Воедно, беше одлучено квалификацискиот турнир да се игра на Малта од 7 до 13 октомври 2020 година.
Пласман на ЕП 2021 преку квалификациите ќе обезбедат осумте победници на групите, како и седумте најдобри второпласирани селекции. Во предвид при ова рангирање ќе се земаат само резултатите против победниците и третопласираните репрезентации во групите.
