Турски бизнисмен најави дека е многу блиску до купување на Челси. Станува збор за Мусин Бајрак, кој е претседател на АБ Груп Холдинг – компанија која инвестира во многу области како што се енергетиката, градежништвото и туризмот.
„Преговараме со адвокатите на господинот Роман Абрамович. Веќе сме во фаза кога останува да се стават само потписите. Многу наскоро ќе го вееме турското знаме во Лондон“, изјави Бајрак.
„Овој договор ќе биде многу важен за Турција. „Нашите адвокати беа во контакт со Абрамович уште од првиот ден кога стана јасно дека клубот е на продажба“, додаде тој.
Компанијата на Бајрак инвестира во Лондон, а работи и во Италија, Грција и Шпанија, како и на турска територија.
