Џамал Мусијала и Лирој Сане се под знак прашалник за првиот полуфинален меч на Баерн Минхен во Лигата на шампионите против Реал Мадрид, објави тренерот Томас Тухел на прес-конференција. Двата тима ќе се сретнат утревечер во Германија.
„Ќе донесеме некои важни одлуки во последен момент. Некои од нив се поврзани со Џамал и Лирој“, изјави Тухел.
Мусијала има повреда на коленото, а Сане се бори со истегнување на мускулот. Двајцата ќе тренираат вечерва на лесна основа, додека Конрад Лајмер, кој беше заменет викендот поради повреда на скочниот зглоб, најверојатно ќе игра, додаде Тухел. Сепак, ситуацијата не изгледа добро со Матијс де Лихт и Дајот Упамекано кои најверојатно ќе го пропуштат првиот натпревар.
Серж Гнабри е подготвен за игра по опоравувањето од повредата.
„Реал Мадрид против Баерн Минхен е еден од најголемите натпревари во модерниот фудбал. Сите навивачи се среќни што двата тима ќе вкрстат еден против друг, а истото важи и за играчите“, додаде голманот Мануел Нојер.
„Знаеме колку ќе биде тешко да стигнеме до финалето. Мораме да бидеме фантастични и во двата натпревари“, изјави Нојер.
