Менаџерот на Челси, Томас Тухел, беше пресреќен по победата над Палмеирас во финалето на Светското клупско првенство. „Сините“ од Лондон победија со 2-1 по продолженија, а победничкиот гол беше дело на Каи Хаверц од пенал пред крајот на второто продолжение.
„За да постигнете гол на крајот од натпреварот, потребна ви е среќа. Не престанавме да ја бараме победата. Поведовме, потоа го загубивме водството, но не се откажавме. Нашата победа е заслужена, но и среќата беше со нас, бидејќи постигнавме гол на крајот. Мислам дека Хаверц не беше нервозен пред да го изведе пеналот, иако секако беше возбуден. Во таква ситуација мора да останете смирени. Имавме доверба во статистиката и среќен сум за Каи“, изјави германскиот стратег.
