Челси се пласира во финалето на Лигата на шампионите откако го елиминира Реал Мадрид во полуфиналната пресметка. По ремито (1-1) во Мадрид, англискиот тим синоќа славеше со 2-0 на „Стемфорд бриџ“.
Менаџерот Томас Тухел е задоволен од изданието на неговиот тим во полуфиналето.
„Стануваме тим од кој сите се плашат. Бевме силни, особено во второто полувреме. Бевме фокусирани на победа во текот на целиот меч. Ова е голем успех и му честитам на тимот. Сега треба да се подготвиме за големото финале”, изјави Томас Тухел.
Германецот е првиот тренер кој две години по ред ќе биде дел од финалето, но со различни тимови. Минатата година тој го предводеше ПСЖ и загуби во финалето од Баерн Минхен.
