Англискиот премиерлигаш Тотенхем испратил понуда од 13 милиони фунти за играчот од средниот ред на Барселона, Франк Кеси, пренесуваат медиумите во Шпанија. 26-годишниот играч за врска пристигна на „Камп Ноу“ минатото лето како слободен играч од Милан, но никогаш не успеа да се наметне меѓу стартерите на тимот.
Од почетокот на сезоната има само пет натпревари на кои стартуваше од првата минута.
Тотенхем сака да ја искористи оваа ситуација и да го купи играчот по намалена цена.
Менаџерот на Тотенхем, Антонио Конте, неколку пати во последните неколку недели истакна дека неговата желба е да донесе доволно играчи од врвна класа за да го подигне нивото на клубот доволно за да може да се бори за трофеи во Англија.
