Италијанскиот калчолигаш Торино го обнови интересот за капитенот на македонската фудбалска репрезентација Енис Барди. Раководството на „биковите“ и лани се обиде да го доведе одличниот играч за врска во Серија А, но Барди, сепак, одлучи да остане во Трабзонспор.
Одигра одлична сезона во Турција, на 42 натпревари постигна седум гола и забележа шест асистенции и сега повторно се отвора можноста за преселба во Торино.
Турските медиуми откриваат дека италијанскиот клуб е сериозно заинтересиран, а Барди влегува во последната година од договорот од Трабзонспор и Турците не би имале ништо против да го продадат и да заработат на неговото заминување.
