„Топчиите“ го испукаа Вест Бромвич Албион (ВИДЕО)

Арсенал ја оствари 15. победа во Премиер – лигата откако на „Емирати“ го совлада Вест Бромвич Албион со 3-1. „Топчиите“ беа подобар ривал и заслужено стигнаа до победата. Резултатот го отвори Емил Смит Роу во 29.минута, а шест минути подоцна погоди и Николас Пепе.

ВБА намали во 67.минута со голот на Матеус Переира, но Вилијан во завршницата ја потврди победата на Арсенал. По овој пораз Вест Бромвич Албион и дефинитивно се сели во Чемпионшип следната сезона.