Тони Крос го помина поголемиот дел од својата кариера носејќи го дресот на Реал Мадрид, каде што стекна речиси легендарен статус пред да стави крај на играчката кариера. Но, 35-годишниот Германец ги изненади сите со изјавата дека всушност никогаш не бил навивач на „кралскиот клуб“ пред да пристигне на „Сантијаго Бернабеу“.
Во јавноста постоеше гласина која се базираше на стара негова фотографија од детството, на која носи дрес на Реал Мадрид.
„Поради некоја причина имав дрес од Луиш Фиго од Реал Мадрид. Тогаш не сфаќав колку ќе ми користи тоа. Никогаш не сум бил фан на Реал Мадрид. Но, таа фотографија се појави на социјалните мрежи и сите навивачи на клубот веднаш си рекоа: ‘Тој е фан на Реал уште од дете, носел дрес на клубот на седумгодишна возраст’. Тоа не е вистина, но фотографијата ми помогна да воспоставам подобри односи со навивачите“, призна Крос, кој откри дека неговиот омилен клуб отсекогаш бил Вердер Бремен.
