Новиот прволигаш Тиквеш нема да ја пречека Шкендија во Кавадарци. Поради реновирањето на соблекувалните на стадионот, првиот прволигашки натпревар по повеќе од деценија и пол, фудбалерите на Тиквеш како домаќини ќе мора да го одиграат во Прилеп. Раководството на клубот го одбра стадионот “Гоце Делчев” како мегдан за пречек на актуелниот првак.
Реновирањето на стадионот во Кавадарци трае подолг период и веројатно ќе биде заокружено до третото коло кога Тиквеш на домашен терен ќе го пречека тимот на Академија Пандев.
