Белгиецот Тибо Куртоа, кој го чува голот на Реал Мадрид, е прогласен за најдобар голман на 2022 година во изборот на Меѓународниот институт за фудбалска историја и статистика (ИФФХС).
Куртоа освои 125 поени во рангирањето, оставајќи го зад себе чуварот на мрежата на аргентинската фудбалска репрезентација, Емилијано Мартинез. Тој доби 110 поени.
На третото место е Мароканецот Јасин Боно, кој е член на Севилја и собра 55 поени.
Меѓу петмината најдобри голмани за минатата година се најда и Доминик Ливаковиќ од Хрватска и Хуго Лорис од Франција.
