Голманот на Барселона, Марк-Андре тер Штеген, вчера беше опериран. Хируршката интервенција во Стразбур ја изврши професорот Афшиб Ганги, еден од водечките специјалисти за повреди на грбот.
Се очекува опоравувањето на Тер Штеген да трае околу два месеци, по што тој ќе продолжи со тренинзите. Најверојатно германскиот интернационалец ќе биде подготвен за настап на крајот на јануари.
Тер Штеген ги пропушти последните три натпревари на Барселона. Голманот треба да биде подготвен за настап за осминафиналето во Лигата на шампионите.
Од клубот не откриваат никакви детали за операцијата на голманот.
