Црвена звезда и Партизан ќе добијат УЕФА лиценци за настап на европска сцена во сезоната 2023/24, благодарение на државата Србија. Како што информира „Спортски Журнал“, владата на Србија му платила на Фудбалскиот сојуз на Србија вкупно пет милиони евра за помош на Црвена Звезда и Партизан за да бидат финансиски ликвидни за добивање лиценца на УЕФА.
Во петокот преку Фудбалскиот сојуз на сметката на Партизан биле префрлени 2,5 милиони евра, а исто толку пари биле префрлени и на Црвена Звезда.
Партизан лани во исто време и на ист начин ја затвори финансиската структура и во последен момент ги реши проблемите. И тогаш, како и сега, државата исплати грант преку Фудбалскиот сојуз на Србија, кој побара и доби субвенција од Владата на Република Србија во име на клубовите.
Во Македонија, најтрофејниот македонски клуб Вардар е во очајна финансиска состојба, но не добива помош од никого.
