Македонскиот претставник во квалификациите за Конференциската лига, тимот на Струга Трим Лум го доведе првото засилување во пресрет на новата сезона и дебитанскиот настап на европска сцена. Ангажиран е Бесмир Бојку, играчот за врска кој во минатото го носеше дресот на Шкендија, а сега доаѓа од косовскиот тим Фероникели.
Стружани засега го загубија Блертон Шеји кој замина во Шкупи, а поголем дел од постоечкиот погон допрва води разговори за останување во тимот. Според најавите, тимот на Струга ТЛ в среда треба да ги стартува подготовките за новата сезона.
