Струга Трим Лум е во Лиепаја и се подготвува за дебитантскиот настап на европска сцена. Денеска (16 часот) на стадионот Даугава, тимот на Срѓан Захариевски ќе испише клупска историја, за првпат ќе одигра меч на меѓународна сцена, во Конференциската лига на УЕФА.
Шефот на стручниот штаб и фудбалерите посакуваат дебито да се памети и по позитивен резултат.
„Клубот Струга Трим Лум за првпат игра на меѓународна сцена, но во тимот имаме искусни фудбалери. Се подготвивме добро, го анализиравме противникот и се надеваме дека ќе оствариме позитивен резултат пред реваншот“, изјави тренерот Срѓан Захариевски.
Капитенот Фљамур Таири вели дека тимот ја има потребната самодоверба за вакви мечеви.
„Го респектираме тимот на Лиепаја, но веруваме и во сопствените квалитети. Ќе дадеме се од себе европското деби на Струга Трим Лум да биде една убава приказна“, порача Таири.
Мечот меѓу Лиепаја и Струга Трим Лум е закажан за 16 часот на стадионот Даугава во Лиепаја, Летонија.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski