Атлетико Мадрид вчера стигна до единаесеттата шампионска титула во историјата, откако победи во трката со Реал за првото место во Ла Лига. Следеше голема прослава на улиците во Мадрид, но за жал, заврши трагично. Се случи страшна трагедија во која животот го загуби 14-годишно момче, навивач на Атлетико.
Прославувајќи го големиот успех на неговиот клуб додека се возел со комбе, момчето во еден момент ја извадило главата низ прозорецот, а потоа удрило во ѕид. Тој удар бил фатален и момчето починало на лице место. Во рацете го имало знамето на саканиот клуб.
