Францускиот репрезентативец Килијан Мбапе беше човек на одлука за Пари Сен Жермен на дуелите против Барселона и против Баерн Минхен, но вечерва беше комплетно сопрен од тимот на Манчестер Сити. Пеп Гвардиола добро знае од каде доаѓа најголемата опасност кон голот на Едерсон, постави посебна присмотра за Мбапе, а Рубен Дијас и Кајл Вокер одлично ја завршија работата.
Мбапе вечерва го одигра првиот натпревар во Лигата на шампионите на кој не успеал да упати директен удар кон противничкиот гол. Ова доволно зборува како одиграа дефанзивците на Манчестер Сити против еден од најопасните напаѓачи во европскиот фудбал.
