Голманот на фудбалската репрезентација на Македонија, Столе Димитриевски, го најави мечот против Италија како најважниот во неговата кариера. Во разговорот за „Марка“ тој потенцира дека Македонија е подготвена да направи чудо против европскиот првак Италија вечерва во Палермо.
„Победа против Италија за нас би била рамна на чудо, но веќе направивме една сензација против Германија. Италија го има притисокот, а ние сме мирни и ќе си ја чекаме шансата. Македонија и ова што го стори досега е голем успех, но секако дека сега треба да бидеме најдобри. Ова е најважниот меч за мене во кариерата, чувствуваме поддршка од сите Македонци“, изјави Столе Димитриевски.
Дуелот меѓу Италија и Македонија во Палермо е закажан на 20.45 часот.
