
Старт на пролетта – вторпат. Снегот се стопи, терените сега се подготвени за игра, па се очекува уште веднаш да се вжешти трката за шампионската титула.
Шкупи во првото пролетно коло гостува во Велес, засилен со неколку нови фудбалери и со нов шеф на стручниот штаб, Хасан Озер. Борец е раздрман, во трансформација, иако важеше за еден од најсилните домаќини.
Капитенот Бесар Исени вели дека тимот од Чаир ќе ги напаѓа трите бода.
„Новите засилувања одлично се вклопија, но сепак е потребно време за да се воиграме подобро. Сепак, ние се надеваме дека пролетта ќе ја стартуваме со победа. Ние ќе се трудиме да бидеме до крајот во трката за титулата“, вели Исени.
Шкендија е на лидерската позиција, но мора со победи да ја чува затоа што Шкупи и Македонија ЃП демнат од позадина. Тимот на Ернест Ѓока го напаѓа Кратово и сака триумф против Силекс на стартот.
Струга Трим Лум ја пречекува Македонија ЃП, а Ренова е домаќин на Беласица.
Во првиот и единствен меч кој е одигран во 19.коло, Работнички минатата сабота го совлада тимот на Академија Пандев во Струмица со 0-1.

-
МАКФУДБАЛ ТИМ НА ПОЛУСЕЗОНАТА
Силекс заврши на врвот по првиот дел од сезоната во Првата лига, благодарејќи на...
Автор makfudbal
-
МАКФУДБАЛ ИГРАЧ на полусезоната: Али Регба (Работнички)
Работнички е најпријатното изненадување на првиот дел од сезоната во Првата фудбалска лига. „Романтичарите“...
Автор makfudbal