Арсенал ќе започне официјални преговори со Кристал Палас за Еберечи Езе, пренесуваат британските медиуми.
„Топчиите“ веќе оствариле прелиминарни разговори со претставници на офанзивниот играч од средниот ред. Се очекува наскоро раководството на Арсенал да стапи во контакт со челниците од Кристал Палас за да се договорат околу можен трансфер.
27-годишниот Езе е поранешен фудбалер на Квинс Парк Ренџерс и Вајкомб.
Арсенал, исто така, сака да го доведе и Нони Мадуеке од Челси, откако претходно го обезбеди своето трето летно засилување, потпишувајќи договор со Кристијан Норгард.
