Пиоли си го истетовира „скудетото“

Тренерот на Милан, Стефано Пиоли, успеа да го одведе Милан до шампионската титула и да го крене првиот трофеј од Серија А во кариерата.

Само неколку часа по триумфот на миланскиот гигант, Пиоли го овековечи најголемиот успех со тетоважа. Тој го истетовира „скудетото“ со бројот 19 на левата рака. Неговиот син Џанмарко го направи истото, но зад десното рамо.

Стратегот на Милан синоќа за време на веселбата на теренот остана без шампионскиот медал кој му беше украден, но од Серија А веднаш му ветија дека ќе му обезбедат нов.