Шпанија и Франција вечерва (21 часот) на „Алијанц арена“ го играат првото полуфинале на ЕВРО 2024. Познати се официјалните состави.
Шпанија е во проблеми бидејќи поради суспензии недостига десната страна на одбраната, односно Дани Карвахал и Робин Ле Норман. Нив ги замени искусното дуо, Хесус Навас и Начо.
Дани Олмо, херојот на четвртфиналето, е во првите 11 на местото на повредениот Педри.
Дидие Дешамп одлучи да го стави Антоан Гризман на клупата, а наместо него во стартниот тим е е Осман Дембеле, заедно со Коло Муани и со Килијан Мбапе како ударно напаѓачко трио.
Шпанија: Симон – Навас, Начо, Лапорт, Кукурелја – Родри, Руиз – Јамал, Олмо, Вилијамс – Мората
Франција: Мењан – Кунде, Салиба, Упамекано, Хернандез – Канте, Чуамени, Камавинга – Дембеле, Коло Муани, Мбапе
