Скопје ги стартуваше подготовките за прволигашки камбек

Новиот прволигаш Скопје почна со подготовките за новата сезона. „Пиратите“ се враќаат во елитата, а тренерот Љупчо Марковски вчера ја одржа првата прозивка и првиот тренинг со фудбалерите.

На „Автокоманда“ се планираат неколку засилувања, направен е и план за одигрување неколку пријателски натпревари низ кои ќе се темпира формата за камбек во прволигашкото друштво. Првата фаза од подготовките ќе биде реализирана во клупската база.